Hasyo Matte Şaraf krhle bqaşyutho u fusqono du bethdino d’Turkiya cal dayroyo Aho Bilecen

U efetrufo fatıryarxoyo di marcitho d’Mawsal u hedora Mor Niqodimos Matte Şaraf krıhle bqaşyutho u fusqono dhule u bethdino d’Turkiya bhaq du dayroyo Abuna Sefer Aho Bilecen.

U efetrufo fatıryarxoyo bi maqırhonutho dfrisole cali dafo di efetrufutho komır; Hul ema gıdmdawmo Turkiya bi qaşyutheyda mqabıl du cameydan.

U rişono di marcitho d’Mawsal u hedora, d’Kerxeslox udu qlimo d’Kurdistan di cito Suryoyto Orthodoksoyto hasyo Mor Niqodimos Dawud Matti Şaraf frısle

buyono u mırle; Hol ema gıdcayşina tahte da renyani a bişe. Ahna xıd efetrufutho fatıryarxoyto, kı kurhina b’qaşyutho u fusqono dhuwle u bethdino d’Turkiya mqabıl d’Abuna Dayroyo Aho Bilecen d’hkımle 2 ışne u yarho hbuşyo.

U hasyo mırleste; U dayroyo Aho Bilecen lo sımle hawbo inaqla dhuwle lahmo u maye l’farsufe dathın l’qum du tarco di dayro. Hathe wolitho di tawdithaydan i Mşihoyto’yo u latyo larwal mi noşutho xıdu mathlo dkomır u Evengelyun qadişo-kafinowi, maswacxuli, sahyowi maştalxulli.

İ mcalyutho d’Mor Niqodimos Dawud Matti Şaraf komır; En u dayroyo hule lahmo u maye lhın farsufe u bıthır magle dkıtne a hadome di PKK, mınyo fawdo harke? Hathe i Turkiya d’adyawma’yo.