Hasyo Şmuel Aktaş mşadarle egartho difsihutho l’dayroyo Samuel Özdemir

Mor Timathewos Şmuel Aktaş u hasyo d’Turabdin, bi egartho dımşadarle l’dayroyo Samuel Özdemir mhanele bu dcoreyde li citeyde i şırşeyto dkıtyo i cito Suryoyto Orthoduksoyto.

 I mcalyutho d’Mor Şmuel bi egartheyde komır; Abun dayroyo kudcıt mıqa fsihoyono dheş ono ba haye, hzeli dı dacirıt la şerşeydox. En kothe lbolox bi fatıryarxutho dmırwoli elox qay lıkmakfe? Hatste mfanewolox kımakfe. Ucdo mkamelox u şudoyo dmırlox.

 I egartho du hasyo d’Turabdin ba melani kımşaryo: Şlome cam hubo kımqadamno li myatruthaydox ula mhaymıne, u la abne di rocyutheydox, mi marcitho d’Turabdin bu athro brixo dan abohotho u dilonoyith mu cımro qadişo d’Mor Gabriel.

İ mcalyutho d’Mor Şmuel Aktaş komır; fsihutho rabtho eli dşamıcno dı dacirat la şerşeydox a qamoye. Wi fsihuthathe rabthoyo eli ula Turcabdinoye dilonoyith di qadişutho du kumreydan Mor İğnatiyos Afrem II dmaqbelelox ula tıre kohne hrene dkıtne acmox u dmaqbalxun a burkotho bi mtaybonutho di mcalyutho d’Mor Diyosqoros Benyamen Ataş u metrofolito du Swed.

Bi egartho i mcalyutho d’Mor Timathewos komır; I fsihutheydan zıttır zayido bıthır mıd masırxun esore cami marcitheydan d’Turcabdin dkıtyo u athreydan, bi duktho d’lebayna krotıh, leşan i noturutho di haymonuthaydan i Mşihoyto di Maşılmonutho di citeydan i mbaraxto.

Bu şıkılano i marcitho d’Turcabdin dkıtyo bi rişonutho d’Mor Timathewos Şmuel Ataş mahwela i fsihuthayda i rabtho lu dcoro d’Abun dayroyo Samuel Özdemir li cito Suryoyto Ortoduksoyto.