Hawi yuqdono banarcotho di qritho Bsorino

A karme wan arcotho da qıryawotho d’Bsorino udi Sare dkıtne b’Turabdin, yaqidi mi nuro dıqdıhla bıthır mıd mhalqo tenınto me radoyto dkıtwa azılto bu darbo da radoyotho.

 Bi mawdconutho dmıdlan mu mgabyo di qritho d’Bsorino Şamcun Guzel mırle; Bu yuqdonano dnafıq, yaqıd hul 200 dönumat da karme u arcotho da fire.

 Bi mawdconutho dmıdlan mu mgabyo di qritho d’Bsorino, athmıl bu zabno dhın radoyotho fayıti mu darbo rabo dıkfoyıt cala qıryawotho di Sare u d’Bsorino, mhalıq tenınto ubi netije, qdiho i nuro ba turone dkıtne da qıryawotho di Sare u d’Bsorino.

Bi mawdconutho dmıdlan, a noture, a falohe d’Turkiya wa comure da qıryawotho di Sare ud’Bsorino uhul Midın, hawın mcadrone bu tetfiyo di nurathe dmawqadla hol 200 dönumat da arcotho u karme. Ba arcothani dkıtne bu zoyudo di qritho di Sare kfayşi beyn li Sare u l’Bsorino bi duktho dıkmitawmarla i Şaruca.

Cam gabe da qarme dı yaqidi, yaqıd ğalabe dawme u ilone xıd tene, raymune habuşe u ğer dkıtne du camo Suryoyo dıkhoye ba 2 qıryawothani du cameydan. İ nurathe athmıl casriye matfiyo bnaqla hıdo, elo a comure da qıryawothani hzelın husrone rabe.