Hazme Alp mwayacla a hayeyda mu kewo di Corona

U virus di Corona, kımdawım dımathır calan abne du camaydan bu athro u bi golutho.

Adyawma athto hreto mu camaydan dıkhuyo b’Almanya, mhasyo mu kewano di Corona bi mditho d’Bebra.

Hazme Alp, nqilo adyawma ma haye. İ mhasayto mawlıdowa ban 1930 me Abohe Musa u Şmuni be Patte b’Arkah d’Turabdin.

Hılto Hazme, mhayadwola a hayayda cam Barsaumo Alp d’be Muqsiye u mu  zuwoğano hawilın 10 bnotho u ha abro. İ iqartho mgalwewola l’Almanya ban 1995 u fayışiwo bi mditho d’Bebra.

I mhasayto Hazme Alp mawbılowa li bethkrihe, bıthır mıd kayuwola. An osawotho mawdaclın dkıtwola u kewo di Corona. Adyawma safrayto bi şoctho da 9.00 mcamasla caynotha mi brithathe la haye aminoye.