HDP frısle egartho da tahınyotho la Mşihoye kule bi cohnutho du cedo di Qyamto

Me gabo hreno, u gabo Demoqratoyo da Came HDP’ste frısle egartho da tahınyotho ula Mşihoye kulle bi cohnutho du cedano di Qyamto.

Bi egartho dfrısla HDP mırla; Bi haymonutho dkıtlan du cedano dxolıq şawyutho beyn da came uda tawdiyotho kulle b’britho, kımcaydina a Mşihoye bu cedano di Qyamto.

İ rişonitho zawgoyto du komisyon da came uda haymonwotho du gabo Demoqratoyo da Came-HDP Tülay Hatimoğullari mcayadwola u camaydan meqım kmo yawmo bu cedo d’Ha Nison. Ucdo’ste u komisyonano d’HDP, frısle egartho u mhanele a Mşihoye d’Turkiya u gawonoyith d’britho bu cedano di Qyamto.

Hatimoğulları, ba melani mcayadla a Mşihoye; Bi haymonutho dkıtlan du cedano dxolıq şawyutho beyn da came uda tawdiyotho kulle b’britho, u dhowe wasile li ahonutho da came, kımcaydina a Mşihoye dbritho bu cedano di Qyamto u kıtulbinale şuşoto u haylo hatho bi awyutho cama came kulle.

İ qoyumto d’HDP tlıbla’ste hulmono, şlomo u hirutho u haye hathe la Mşihoye bu zabno dıkmıştacın ba bece du cedano di Qyamto d’Mşiho-dkobe sabro hatho lu şlomo, li kinutho uli ahonutho b’Turkiya-lo lbelhude la Mşihoye elo la ğrobe ula came dkıtte tawdiyotho frişe dıkubci dcayşi b’mşaynutho bu athrathe.

Bi egarthathe Tülay Hatimoğullari grışla’ste u zuhoro calu ağono dıkmitahwe cal jeoğrafia bnişo da came du athro kulle, dqudri dhoyın b’şlomo camhıdode-xıd barmothoye şawye, b’şartat şawye u mırla; Me lebayna kule, kımhanena u cedano da bnaymothoye Mşihoye kulle dıkmcaydi u cedano di Qyamto-dkıtyo cedo di quyomo-bıthır 7 şabe d’sawmo u slutho.