HDP kıtolıb mi şultonutho d’Turkiya dmawdyo bu qtolğenso dsim cala Ezidoye ba 2014

U gabo Demoqratoyo da Came-HDP, frısle buyono dıkorıh u qtolğenso dsımwolın a ğrobe marhıbone d’Dacış cala Ezidoye d’Şigor bu garbyo du Iraq meqım şwac eşne.

 Bu buyono dıfris mu Mawtbo da Came uda Tawdiyotho b’HDP, kıtolıb mi şultonutho d’Turkiya dmawdyo bu qtolğenso dsim cala Ezidoye ban 2014.

Bu buyono dıfrısle u Mawtbo da Came uda Tawdiyotho du gabo d’HDP, kmathkır u yawmo şatonoyo da 7 eşne du qtolğenso dsımwolın a marhıbone d’Dacış cala Ezidoye d’Şigor bu garbyo du Iraq ban 2014.

I tahlufto di rişonutho zawgoyto du Mawtbo Tulay Hatimoğulları bi maqırhonuthayda kımmo; U camo Ezidoyo dkıtyo ha ma came d’Bethnahrin, bu makthabzabno kull naqla mafit ma qtolcame. Ucdo bu dorano dkıtyo mşawşıto naqla hreto b’3 Ob da 2014 mafit b’qtolğenso ma marıhbone d’Dacış cal ışme di tawditho.

Hatimoğulları bi maqırhonuthyda ksaymi qrayto li şultonutho d’Turkiya, dmawdyo bu qtolğensano dsim cala Ezidoye d’Şigor u bebzabno, d’turyo ma mamlayda du thomo. Bu huthomo i tahlufto kımmo; Kmathkırina u qtolğenso barbroyo dhawi cala Ezidoye u kısaymina qrayto la hayle demoqaratoye, lu ağuno mqabıl da qtolcame uda dyoşe da zedqe noşoye.