HNB frısle buyono bi cohnutho di Sohdtho qamayteyde Alaria İshtar

Bebzabno u Huyodo da Neşe d’Bethnahrin-HNB frısle buyono bi cohnutho di Sohdtho qamayto du Mawtbo di Athto.

 Bu buyonano HNB mahkele calu dawro dhawila i athto bu makthabzabno bu haqlo folhoyo u folitiqoyo i dawse dımhalqo ba 2015 bi mşatsonutho da Haylawotho du Sutoro da Neşe d’Bethnahrin.

Bu şuroyo du buyonano dıfrısle adyawma u Mawtbo di Athto d’HNB komır; Bi cohnutho di Sohdutho di hawraydan Alaria dışma bu ağuno İshtar, kımina a Sohde lıkmaythi u hınene u bahro du ağunaydan. Bu buyonano griş u zuhoro calu maktabzano di athto wu dawro dhawila bu kenşo wi rişonutho dsımla Şamiram, Zenobia u ğer neşe dmıdlın dawro bu haqlo folhoyo u folitiqoyo du camaydan.

U Mawtbo d’HNB kımawdıcste aydarbo bıthır a neşe du camaydan mvayaclın u dawrathe bıgawe du kenşo bu nfolo di mamlaxtho du camaydan, u mıştacmıri u dişi a neşe u fayışi bu telolo dğer dılo haylo u dılo sebyono. Bu ağuno du Mawtbo Umthoyo d’Bethnahrin, hiw mkono li athto Suryoyto dmaydo duktha ba fulhone umthoye u markıw u Huyodo da Neşe d’Bethnahrin.

Ba fulhone dmaşele HNB bu haqlo folitiqoyo, tukosoyo u marduthoyo, mşataswoleste a Haylawotho du Sutoro da Neşe d’Bethnahrin ba 2015 bi Gozarto d’Bethnahrin wa Mharbınyotho d’HSNB mıdlın duktho ba gbine du qrobo u sımlın u duyoqo di mşaynutho du camaydan du qlimo u mathelın u ağuno di hirutho di athto du camaydan. U Mawtbo d’HNB frışle duktho li Sohdutho di Mharbonitho Alarianu ışmayda du ağuno İshtar, dmaslamla i iradayda wa hayayde lu ağuno di hirutho du camayda bu athro dan abohotho.

Ağonisto İshtar dkıtwa emo mşajacla a nacimaydaste dmaydi duktho beyn da hayle fulhoye du camaydan. Mi celtho di jalta du lebo dhawi bu zabno dkıtwa bi wolitho, athmıl mıdla i Mharbonitho İshtar duktha bu karavan da Sohde u hawyo i Sohdtho qamayto d’HNB. U Mawtbo d’HNB mırle; kıkayfina rişayna qum da Sohde du ağunaydan u kımmina a Sohde lıkmaythi! A Sohde u Bahro du ağunaydane, Tihe HSNB! Tihe u Sutoro di Athto!