HNB hadır hfitwotho mqabıl du qrobo d’Ukraina
Bu slogan; Hirutho lu Camo, mtayıb hfitutho mqabıl du qrobo dıkmdawım b’Ukraina bi mdito d’Zürich d’Swisra. Lu tuyobo di hfituthathe, dmıdle’ste u Huyodo da Neşe d’Bethnahrin duktho eba. Bebzabno a hadımyotho d’HNB b’Delmenhorts, hadiri bi taklitho dsimo b’Bremen d’Almanya mqabıl du qrobano dıkmdawım b’Ukraina.
U qrobo dıkmdawım hani şato b’Ukraina, xlıqle haşo rabo-lo belhude b’Rusya u Ukraina, elo gawonoyith b’britho’ste. Calathe mtayıb hfitutho bi mdito d’Zürich d’Swisra mqabıl du qrobano u tlib baroyo dmitakle bnişo dqudri a came b’britho dcayşi b’hirutho u mşaynutho.
Li hfituthathe dsimo b’Zürich, mıdle u Huyodo da Neşe d’Bethnhrin duktho bu tuyobayde ubebzabno, hadımto d’HNB sımla mamlo bu leşono Almanoyo la hadire u kalyo cala dyoşe ucalu haşo rabo dıkcayşi a neşe. İ mathlonitho d’HNB grışla’ste u zuhoro da hadire calu Sayfo mayiro dsımwo calu camaydan ban 1915.
Me gabo hreno a hadımyotho d’HNB b’Delmenhorst hadiri bu konferans Forum dsim b’Bremen d’Almanya. Bu konferansano’ste, dhadırle camo u şutose frişe, yadıcthone dhadiri ebe mahkelın calu qrobano, cali aykanoyuthayde wu husrono dıktore ba haye da bnaynoşo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
