HNB mathkarle u yawmo şatonoyo da 6 eşne di mşatsonutho da Haylawotho du Sutoro da Neşe d’Bethnahrin-HSNB

U Huyodo da Neşe d’Bethnahrin-HNB mathkarle u yawmo şatonoyo da 6 eşne di mşatsonutho da Haylawotho du Sutoro da Neşe d’Bethnahrin-xıd haylo folhoyo qamoyo da neşe bu maktbazabno du cameydan.

Bi egartho dfrısle HNB komır; HSNB Bu tconathe du zayno, mşahlafllın i hzayto catıqto dkıtwo meqım cali claymtho Suryoyto Othuroyto.

Bi cohnutho da 6 eşne di mşatsonutho da Haylawotho du Sutoro da Neşe d’Bethnahrin, frısle u Huyodo da Neşe d’Bethnahrin-HNB egartho d’tahınyotho u mawdacle u iqorayde la Mharbonyotho dbıhlın nafşaye lu ağono di hirutho du camaydan u bnişo dmitarkıwo i mşaynutho u dmişarıro i şawyutho bıgawe du kenşo.

HNB dmahkele cali çasra dkıtwola i Sohıdto d’HSNB Ishtar mırle’ste; İ athto Suryoyto Othuroyto qadiro d’tıcno u zayno u dnıfqo mqabıl di marhıbonutho, u b’sebyono hiro qadiro d’dayşo a qetre kulle dmahti b’qamutha u makadla dkıtyo b’fusqono kamilo dımdafco a qıryawotho du camaydan di Gozarto, mqabıl da hçome du gayso kaboşo d’Turkiya uda grube marhıbone.

HNB dgrışle u zuhoro cali dişutho ucalu cnufyotho dıkcayşi a neşe b’britho; beynothaye ba falqe du athraydan Bethnahrin uba zabne haroyani’ste kınufqo i aykanoyutho mahişonitho da neşe b’Afğanistan li holo, kmawdıc mcal fothe da qonune uda cyode catiqe dımahti xıd qayde qum di athto, fayışo hbişoyto bu baytayda ulo qadiro dımgaşmo u dmaqwıyo i şaxsiyayda u neshonayda.

Bu huthomo HNB naqla hreto mwasafle HSNB wu dawro dıkmıştacyo i athto Suryoyto bu qrobo mqabıl di marhıbonutho bu garbay madınho d’Suriya u sımle’ste qroyto la neşe du camaydan kulle, dhowın caşine u dmıştawtıfi lu ağonano u dımdafci a haye hire du camaydan uda dukothayde a şerşoye bnişo dmisım u sutoro di mdinoyuthaydan udu cafraydan me kull qento u gzomo.