Hulusi Akar mıstacmele meltho du qtolğenso

U hfuxyo dmahwele u waziro du sutoro d’Turkiya Hulusi Akar bi dafayde du Twitter, xlıqla zmomo bu tboco froso Emwothoyo.

Cal du parlamento d’Latvia mawdewole bu qtolğenso dan Armınoye, Hulusi Akar mahwele u hfuxyo u mıstacmele huwe b’feme, i meltho du qtolğenso. Akar bu mamlayde mırle; Kırufdina u lıkmaqbılina i mawdyonutho du parlamento d’Latvia bu qtolğenso!.

 Caçaba fawdo ulo b’haj dide aw bidactho mıstacmele i meltho du qtolğenso, latyo idico, elo u mamlano du waziro du sutoro d’Turkiya Hulusi Akar xlıqle zmomo bu tbocofroso Emwothoyo. Turkiya dıkmankıro u qtolğenso u dıknufqo mqabıl dkull athro dıkmawde ebe, ucdo ha ma mşale rişoye du rişqutno  tuhmonoyo, bşıkıl ftiho udlo haqara-mıstacmele i meltho du qtolğenso.

Bi egartho dfrısle Akar bi dafayde du Twitter mırle; Ahna kırufdina u lıkmıctarfina bu fusqono dmıdle u parlamento d’Latvia leşan i mawdyonutho bu qtolğenso. Baroyo bıthır kımo qatinothoste, maqımle Akar i egarthathe mi dafayde. U parlamento d’Latvia yawme d’Hamşo sımwole u quwolo u mawdewole bi netiçe bu qtolğenso dan 1915.

Bu tebano di mawdyonutho d’Latvia mawdacwo, bu şuroyo dan 1913 i mamlaxtho da Cuthmanoye mabdewola qşoco sistematik di qalılto Mşihoyto da Yawnoye u bıthır ban 1915, mabde u qtolğenso cal milyon u falge d’Armınoye. Bebzabno bu tebano’ste mawdacwo’ste, camgabe dan Armınoye-sımwo’ste qtolğenso cal milyon u falge d’Yawnoye u Suryoye Othuroye.

İ mawdyonuthathe du parlamento d’Latvia athiwo lu huwoyo, baroyo bıthır mi mawdyonutho du rişono d’Amerika Joe Biden u kmo şabe bıthır mu mamlo du rişono Amerikoyo-Hulusi Akar, kmıstacmıl i meltho du qtolğenso. Calathe kit ucdo şwolo, ara mın şıkıl hfuxye gıdnofıq mqabıl d’Akar mi şultonutho d’Erdoğan?