I Cito d’Madınho d’Othuroye u cito d’Madınho catiqto, droşo hdoyutho

A tarte citawothani du cameydan frişiwo lı tarte citawotho bi şato da 1967 xıd kulnaqa cal sbutho nacımto, wa naqa drışwolın siqumo catiqo u siqumo hatho.

Bıthır ma ışnani dı fayiti ucdo a mşale da tarte citawothani matın lı qanaca dkibin dirşi cam hdode aydarbo kibin mhaydi a tarte citawotho lıhdo cito.

U knuşyano dgımşare adyoma b’Şikago d’Amerika kito i qadişutho du fatıryarxo di cito d’Madınho d’Othuroye Mor Awa tlithoyo cam taşdarto ma hasayo dkıtle wu tahlufo fatıryarxoyo di cito d’Madınho catiqto  Mor Yaqo Danil cam taşdarto dı hsayo.

Bu knuşyano a tarte taşdaryotho gı dırşi aydarbo kibin saymi hdoyutho da tarte citawotho du cameydan dkıtne a tarte citawotho haroye dıfliğiwo me hdode.

Bu dumyano u yawmano kibe foyıt xıd yawmo maktbzabnoyo lu maktbzabno da tarte citawotho du cameydan dkibin mi haydi u howın hdo cito, u be bzabno dhowın mathlo la citawotho hrene du cameydan dı frişi me hdode cal droşe dkıtwe bu şerşathe siyase du floğo du cameydan.