İ cito Suryoyto Orthodoksoyto d’Mor Afrem dkıtyo b’Södertelje, bıdela dobo yuqro rabo lu tewlifo du leşono Suryoyo emhoyo
Hani kmo yarhe, kımdawmo i madraşto du yulfono du leşono Suryoyo bi cito, wi claymutho du camaydan’ste kobo ulsoyutho u kımahwıyo yasifutho rabtho la droşani.
SODERTALJE, Swed – U leşono Suryoyo dkıtyo b’qento rabo dmıtce, hiw ucdo yuqro lu tecişayde ulu şuşotayde bu Swed. Lfuth u federasyon Suryoyo, kito ucdo lhiqutho beyn du camo-dilonoyith beyn di claymutho, leşan u yulfono du leşono Suryoyo emhoyo. Ubebzabno, ğalabe citotho’ste bıdelın dobın yuqro lu tewlifo du leşono.
Meqım u yulfonano mıfraşwo la nacime, elo ucdo i claymutho wa rabe’ne dıkmaydi herge. Bu tarano, hani kmo yarhe, naqla bi şabtho kıloyım mınyono d’clayme u claymotho mu camaydan bi cito d’Mor Afrem b’Södertelje, leşan dmaydi herge bu leşono Suryoyo.
Ma malfone dkıtne hınne’ste clayme-xıd şamoşo di cito-Amanuel Hanno u Andreas Hanna dıkfurşi u zabnathe leşan dmitawlıf u leşono Suryoyo. Hın ma claymani dkıtne-Mikael Jan wi barthzawgayde Filiz kıhozın dkıtyo wolitho aclaye d’yulfi u leşono emhoyo. U Mikael qayım bu Swed u kmıjğıl belhude Caraboyo.
U Mikael bıthır cama hawronayde yalıf ışmo Suryoyo wu ucdo-cama casqotho dkıtle ba mele-kımnase cami barthzawgayde, belhude dmıjğoli Suryoyo bu bayto. U Mikael komır’ste; Walaw u ftakar wa reğşe laybi dmahkenolın bu Suryoyo xıdu Swedoyo, kobacno naqla hreto d’yolafno u leşno leşan dqudrina dımhafdina acle.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
