29/06/2025

İ Gala da 21 eşne d’Suroyo TV simo b’Viyana

İ Gala d'Suroyotv du yawmo şatonoyo da 21 eşnayde, hthimo athmıl bi tahtrazto catırto u haytho dsimo bu salon hatho di cito d’Mor Afrem dkıtyo bi mdito d’Viyana d’Austoria. Bi Galathathe dımqadım eba mamle u dqrın egrotho u buyone, hiw myaqronutho l’farsufe u şutose dhulın tacbo ba fulhonathe leşan u camaydan. Camathe’ste griş u lotteri u qtico i kuktho da 21 eşne du froshezwo d’Suroyo. 

29/06/2025

VIYANA — İ tahrazto catırto di Gala da 21 eşne d’Suroyo TV mşarewola athmıl bi şoctho da 20.30 dcasriye b’froso hayo ba nqoşkafe du camo dkıtwe hadiro ubu futoho da 2 mqadmone a hawronaydan Metin Rhawi u Rahel Vergili, bu mamlo du futoho dsımlın. Bıthır a hadire kulle czimi dqayimi l’qatınto d’şetqo cali ruho da Sohde du hçomo marhıbono dsımwo meqım şabtho cali cito d’Mor Elias b’Darımsuq.

U zamoro qamoyo dnafıq lu masırho Sargon Sharro’we dmaşmale zmirotho umthonoye u mdawamla i tahrazto bu zmoro da zamore du lalyo dkıtwın Sargon Sharro, Paul Ayar u Andreh Sukkar. İ tahrazto du lalyano frişo la mamle dsimi; beynothaye Yackob Mirza cal ışme du froshezwo dkali cali ulsoyutho du tbocofroso du camaydan udcam hıdode klozım dımhalqina dawse lu teqwiyo ulu şuşoto du camaydan bu athro ubi golutho.

Mu Mawtbo celoyo d’Viyana İsrael Günel dmahkele calu dawro dhawile Suroyotv, Tuma Çelik cal ışme du Mawtbo Umthoyo d’Bethnahrin kali cala munasabatani dıkmhaydi u camaydan wu dawro dhawile Suroyotv bu froso da tahrazyothayde.

Camani qrın a egrotho dımşadri ma şutose frişe du camaydan u sim maqıblonwotho cam farsufe frişe dhadiri u lalyo u hiw myaqronwotho l’farsue u şutose dhuwlın tacbo ba fulhonathe leşan i sbutho du camaydan.

Camu zmoro raqdo da hadire, griş bıthır u lotteri wa farsufe dqmırlın adşato. Bi harayto qtico i kuktho da 21 eşne d’Suroyotv ma czime u bıthır mıd hthim u froso hayo, mdawamle u lalyo bu zmoro ubu raqdo da hadire.