İ kampanya da imdat dcalu Sayfo kımdawmo

İ kampanya da imdat leşan i mawdyonutho d’Urifi bu Sayfo dan 1915 kımdawmo.

 İ kampanyathe dmabıdyole u Huyodo Suroyo d’Urifi (ESU), kıtle nişo dmıdroşo i sbutho du Sayfo bu Huyodo d’Urifi u bıthır mi tawde ebe.

 U Sayfo di şato da 1915 dsim calu camaydan u Suryoyo-Othuroyo u cala came Mşihoye hrene, bıthır ma tagılyotho uma hfitwotho dsim ma gabe u şutose du cameydan, ucdo ESU mawsaqle i sbuthathe lu Huyodo d’Urifi leşan dmıdroşo bnişo bıthır camu zabnbo, dmitawde eba.

İ kampanyathe dmabıdyole u Huyodo Suroyo d’Urifi, ba egrotho ubu berbozo bu nawlo kenşoyo, kımnase dmaltım imdat ğalabe leşan a qoyume dıksundi u cameydan dhowelın snodo dı qudri dımqadmi rmoyotho dmimodi lu droşo.

İ kampanyathe da İmdat kul noşe kibe modela belhude cboro lu nawlo uli sayfa d’ESU dkıtyo bığalabe şıklat du nawlo xıd facebook u ğer. U tehwiyo da imdat zedqo demoqratoyo dkıtle kul barnoşoyo dıkmahwe i klaytayde mqabıl du qtolğenso udu dyoşo dkowe cali noşutho.

ESU bi mawdconutho dhuwle komır; kıtlan talab man abne du cameydan-hayko dkıtne, dhowın sanode li kampanyathe du Sayfo leşan u Huyodo d’Urifi.