İ Kongre d’Amerika fayito li harake leşan dmahto tedbire cal Turkiya

İ kongre d’Amerika şafico li harake leşan dmahto tedbire cal Turkiya cali sbutho du sistem da soruhe d’S-400.

 Mbayın zabno d’30 yawme leşan u rişono d’Amerika Donald Trump dmode i rmoytathe di butja du sutoro du athro.

A hadome di kongre d’Amerika mawdace u şıkıl haroyo di rmoyto du sutoro dkito bgawa, dmitahıt tedbire cal Turkiya mi cıltho du zwonayda du sistem du sutoro d’S 400 me Rusya. Kmıntır di rmoytathe dıkımbayno i butja du sutoro da 2021 d’Amerika u dkimbayno a wolyotho du sutoro umthoyo d’Amerika dmiqadmo bi şabtho dothe lu yawmoyo du senato.

İrmoytathe dkıtyo 4 alfo 500 warqe u 740 milyare dolare, mşaklo bi netije da bazare dıkmisomi hani yarhe ma demoqratoye ma qutnuthoye dkıtne bu Senato ubu Mawtbo da tahtoyo. İ rmoyto du sutoro kito bgawa, amcaşe da folhe, kimo sfinotho u tayosyotho gıdmışqıl, u mın şıkıl gıdmihalıq dawsat mqabıl du Sin u Rusya.

Bi rmoytathe kmıtlıb dmitahıt tedbire cal Turkiya, mi cıltho dı şqila u sistem du sutoro da soruhe d’S-400 me Rusya. İdicoyo u rişono d’Amerika Trump hani zabno maklele a tedbire cal Turkiya. Elo i rmoytathe dıklozım dfayto mu fusqono dı Trump ba 30 yawmani, ktılbo dmitahıt 5 aw 4 mule da tedbire cal Turkiya.

Dothe i rmoytathe dhuyo qonunoyto bi şabtho dothe, i mdabronutho dı Trump gıdmahto a tedbire cal Turkiya. U dothe i rmoyto dmicawqo a tedbirani gıdfayşi li mdabronutho d’Joe Biden dıgıdmoyıd i wolitho 20 bu yarho d’Konun u haroyo.

Turkiya cal dışqiwola a S-400 me Turkiya mawfıqowa mi tarmitho di tahrazto da F-35. U NATO u Amerika khozın u sistem da S-400 xı tehdit leşan du ittifaq folhoyo ula tayısoto du qrobo da F-35.