İ Mtakasto da Neşe d’Bethnahrin bu Iraq kımdawmo ba tarmyotho du teqwiye da neşe

İ Mtakasto da Neşe d’Bethnahrin bu Iraq kımdawmo ba tarmyotho du teqwiye da neşe

 İ Mtakasto da Neşe d’Bethnahrin bu Iraq kımdawmo ba fulhone uba tarmyotho du teqwiye da neşe du cameydan.

 İ Mtakasto ba yawmotho d’şaficina dhula 25 neşe yulfono di mcadronutho qamayto dlu barnoşo xıd kewe da yuqdone, semomo da çurhe yaste hnoqo u ğer mcadronwotho.

İ Mtakasto da Neşe d’Bethnahrin kull zabno ksaymo fulhone u tarmyotho mşahılfotho leşan u şuşoto da neşe du cameydan udı maqwiyolın ba haye yawmnoye. Calathe’ste me zabno l’zabno kımtaybo dawrat d’yulfone mşahılfe da haye.

İ dawra haroyto dsımla l’zabno d’yarho u falge l’25 neşe me Bağdede, mıdlın yulfono di mcadronutho msarhabto du barnoşo-xıd mathlo aydarbo kibin dımcadri en farsufo d’yoqıd aw dmiçarıh, dmıhnıq uğer. Bıthır mıd kamilo i dawrathe, i Mtakasto mtayabla zawho leşan dmitahwelın a neşe sohdwothathe du yulfono dmıdlın.

Bu zawhano hadirowa i rişonitho di Mtakasto da Neşe d’Bethnahrin Hannan Matte Tuma i mşalonitho du ferco du daşto d’Ninwe Runak Alyas wi mşalonitho di sicto du hulmono Sandra Behnam u hadımyotho hrene di Mtakasto. Bıthır mu feroqo da sohdwotho la neşe dhzelın u yulfono di mcadronutho qamayto, mqadım tawdiyotho lkull farsufo dhawile tacbo bi dawrathe du yulfono.