İ Scudiye mzaharla d’Turkiya dmıstafdo ma timoyotho d’Afriqya u gsındo a tukose marhıbone

Turkiya bıthır mi şato da 2012, mşatasla 28 rişizgadwotho hathe bi qıtca d’Afriqya.

 Cali sbuthathe, i şultonutho di Scudiye mawdacla d’Turkiya kıbco dhowela rağlo bu cafro d’Afriqya, bnişo dmıstafdo ma timoyotho u dsundo a tukose marıhbone dkito bi qıtcathe.

 Bi maqıblonutho dsimo camu waziro di Scudiye dıkhoyır cala sebwotho dcalan athrawotho d’Afrqiya Ahmad Qattan, mahkele cali celtho di ithutho da Turkoye b’Afriqya u dilonoyith qariwo li gozarto d’Sawakın bu athro d’Sudan.

Calu şuwolo d’qay a Turkoye mdewolın qyomo camu rişqutno catiqo d’Sudan dmadrewo mi wolithayde Cumer Albaşir cali gozrato d’Sawakın, waziro Qattan mırle; A Turkoye kıbci dmahti rağlo bu yamo Semoqo, u dmıstafdi ma timoyotho dkıtla Sudan.

Qattan dıgrışle u zuhoro calu qyomo dımdewo beyn d’Albaşir u Turkiya dkıtyo qento rabo, mawdacle’ste dıkmıtyaqın di aykanoyutho ducdo d’Sudan mşahılfo mu mede dkıtwa bu zabno d’Albaşir, u mırle; Kito ucdo zawco gawonoyo lawğıl du athro u kito’ste mabco dhowe qariwutho lan athrawotho Caraboye udmisım acmaye tarmiyotho rabe. U medano rğışwoli bi socuruthaydi i harayto l’Sudan.

Qattan dımakadle du qyomo dımdewo beyn d’Albaşir u Turkiya gıdmitaqım, mahkele’ste cali ithutho Turkoyto dkito ucdo b’Afriqya, u qay a rişizgadwotho Turkoye zayıd u menyonathe l’50 b’Afriqya bıthır mıd kıtwo belhude 12 ba 2012. Cali sbuthathe u waziro di Scudiye mırle; U nişo d’Turkiya dmıstafdo ma timoyotho dkito ban athrawotho d’Afriqya, u dsundo a tukose marıhbone’yo.