İ şultonutho d’Erdoğan kımdawmo ba cuqobe du msoko da hadome da gabe saqıbloye

Ba zabne haroyano i şultonutho d’Turkiya dkıtyo bi rişonutho du gabo d’AKP u Erdoğan, yawmo cal yawmo kımdawmo dsaymo hboso cala gabe di saqıbloyutho.

 Lfuth a tebe dıfrisi bu tboco froso, mqadım 33 dacwat lu rişono du parlamento leşan dmtaqimo i hasinutho da folitiqorani.

Bıthır ma cuqobe d’Gare d’qtılwo 13 folhe yasire b’mcartho, i şultonutho dhzela di sbuthathe lo makşarla acma, mabdela Ankara hboso folitiqoyo calu gabo di HDP wa gabe hrene dkıtne bi saqıbloyutho.

Ba dacwat dımqadmi lu parlamento du athro leşan dmitaqimo i hasinuıtho da qoyume; beynothaye 25 mu gabo d’HDP, qoyume d’CHP u me gabe hrene.

Beyn da 25 du gabo di HDP kmitawmır dkito i rişonitho zawgoyto du gabo Pervin Buldan u mşale hrene. Lfuth mfaşqone folitiqoye, i şultonutho bu dumyano kıbco dmazico a gabe saqıbloye u bebzabno dmahto fıtne beynothaye.

Bu mamlo dsımla i rişonitho zawgoyto di HDP Pervin Buldan mırla, U gabaydan latyo fako dkibe dmıblıc u lıkayfina rişayna qum da hçome dkowın acleyna-ahna gabo da came’na. Me gabo hreno i şultonutho kımdawmo ba msoke da hadome d’HDP bşıklat mşahılfe.