İ şultonutho Turkeyto msıkla 8 rişone da karxuwotho

Bu zabno dıbritho kıdırşo aydarbo gıdmidafco i noşutho mu kewo d’Corona, i şultonutho d’Turkiya kımdawmo u hjomeyda cala farsufe dımnaqın ba qole du camo.

 Athmıl naqla hreto, i şultonutho msıkla 8 rişone da karxuwotho dkıtne mu gabo Demoqratoyo da Came HDP u mahıtla 8 farsufe hrene me dida bıdukthaye.

Bıthır ma ğuboye qlimoye haroye dhawınwo b’Turkiya u gabo demoqratoyo da came HDP mıdwole 68 rişonwotho da karxwotho dkito b’Turkiya, elo bıthır ma ğuboye ba hjome u bu myodo da rişaykarxwotho mi wolithathe i şıltonutho matyo l’zıttır me falgaye.

Awkith mu zabno dhawın ağuboye hul ucdo i şıltonutho mawfaqla 38 rişone da karxwotho mi wolithathe u mahıtla anoşe dkıtla b’dukthaye. U medano belhude ba athrawotho dkıtne xıd Turkiya dıkmidabri me farsufe kibe dhowe dmitawfıq rişkarxutho dımnaqe ba qole du camo mi wolitheyde, udlayto hawbo mede dımthabıt acle.

Bu zabnano du kewo di Corona dımşarele dmıfrıs b’Turkiya i şıltonutho kımdawmo ba hjomeydan me xasra cala thome d’Suriya cala thume du Iraq u cala farsufe dkıtne mnaqye ba qole du camo.

Kmahwe du kewano di Corona athi tawo li şıltonutho d’Erdoğan, metul meqım b’yarho britho macıqwola i hawa cal Erdoğn me gabo Amerika me gabo Urifi u me gabo hreno Rusya elo ucdo britho dkıtyo l’bikoyto bu kewo Erdoğan mıdle nafas naqqa hreto.