21/08/2021

İ tarmitho dı Şlomo gıdmahto Mıdyad 3D bu internet

A dukotho makthabzabnoye u tawdithoye di mditho d’Mıdyad kmıcwodi leşan dmınqoli lu internet.

İ termithathe dkıtyo ışma Şlomo dıkmidawım, eba kmisomo bu snodo di Bethsawbo d’Artuklu.

İ bethsawbo d’Artuklu d’Mırde kımtaybo termitho leşan dmacbıro lu nawlo a dkotho tadithoye, makthabzanoye, marduthoye d’Mıdyad dkıtne bi lohitho d’UNESCO.

İ tarmithathe dmahıt ışma bu suryoyo Şlomo kımsawro a dkothe d’Mıdyad b’teknik celoyo leşan dmıqdır dmıkrıx bınne 3D calu nawlo. İ termithathe dıkmıcwıd biya hani 4 yarhe, i dayro d’Mor Gabriel, i cito d’Yıldath Aloho, i cito d’Mor Huşabo u dıkotho hrene xıdani msawri u mşare dmisomi 3d. Kito nişo i termithathe dmitaxlıso bu yarho da 10 uda 11 di şatathe.

Dr. Serdar Aydın mawdacle i termithathe dı Şlomo gıdım’athro msimono calu turizm, wi yurtutho marduthoyto gıdmınqolo la jilat dbıthır. Aydın mbayanleste a Suryoye mahwelın qdomo msimono li termiathathe.

Lale Karataş dkıtyo bgawıd di termithathe mamtela lu boloyo 9 citotho u dayre d’Midyad cabiri li lohitho zabnoyto di yurtutho di mardutho dı britho UNESCO. U mawdacla, inaqa dxılso i termitho a Suryoye wa farsufe dı britho kula ayko dhowın tır dhowen kibın dcıbri bu nawlo u kırxi a dkotho dımsawri.

Check Also

İ sictho da wazire du Mawtbo d’Urifi tlıble dmıtrın hire u rişono catiqo d’HDP Demirtaş wu hfito Osman Kavala

İ sictho da wazire du Mawtbo d’Urifi tlıble du rişono catiqo du Gabo Demoqratoyo da Came H…