İ wazırto da galwoye İvan Jabro mahwela usnodeyda la Yezidoye

İ wazirto da galwoye dkıtyo mu cameydan u Kaldoyo-Suryoyo-Othuroyo  İvan Jabro sımla socurutho lıhdo ma qıryawotho da Yezidoye dkıtyo bi fnitho d’Şigur.  Bu mamlo dsımla i wazırto mırla a hayobe dsımlın hawbe mqabıl da Yezidoye kule klozım mıhkomi.

Wazırto da galwoye dımnaqyo bi şıltonutho hatho d’Mustafa Alkazemi mabdela a fulhone di wazirutho u sımla socurutho li fnitho d’Şigur laşan dhızyo i aykanoyutho da Yezidoye me qariwo.

Bi socurutho dsımla li qritho d’Kuju drışla u dcoro da Yezidoye la dukothathe bıthır mi golutho dı cbiriwo ele ma hcome dı Dacış.

İ wazirto sımla socurutho li madraşto dı ftih eba mıthhawyonutho bhaq da htifoye da Yezidoye. Bi madraştathe mcalaqwo a surotho da htifoye kule dı htifo bu zabno d’Dacş.

Bi maqırhonutho dsımla i wazırto dkıtyo mu cameydan mırla. A farsufe dsımlın hawbe mqabıl da Yezidoye kule klozım miqadmi lu bethdino u mıhkomi.