12/03/2025

İ wazirutho di baroyutho d’Amerika m’ayadla u qyomo dımde bayn da haylawotho d’Suriya demoqratoyto d’QASAD wi şultonutho zabnoyto dı Darımsuq

12/03/2025

U waziro di baroyutho d’Amerika Marko Rubio bu buyono dıfrısle, mawdacle d’Amerika kım’aydo u qyomo dımde ba yawme haroyani bayn da haylawotho d’Suriya demoqratoyto d’QASAD wi şultonutho zabnoyto dı Darımsuq, laşan dmihayıd u garbay madınho camu athro mhaydo d’Suriya. Rubio makadle ste d’Waşington ksındo u maşıqlo folitiqoyo hatho d’Suriya, bnişo dmişatıs şultonutho şarirto dlatyo masırto cam madhhabe, cal dkıtyo u darbo towo dkulle dmınfıq mqabıl di mwatyutho udu cnufyo b’Suriya. 

Bebzabno, Rubio mathkarle d’Amerika ksaymo me qariwo duyoqo cala fusqone dmıdla i şultonutho zabnoyto d’Suriya, u mahwele ste i zuctho dkıtle mu cnufyo admonoyo haroyo dsim mqabıl dhın ma came d’Suriya.

Mxasra hreto, u rişono zawgoyo du gabo di şawyutho udi demoqratoyutho da came dı Turkiya DEM parti Tunjer Bakırxan, mawdacle di mıştawtfonutho la hfitwotho d’Nauroz bi şatathe ulsoytoyo laşan du snodo di qroyto dsımwole u rişono du gabo di PKK Cabdalla Öçalan lu şlomo, ulaşan da şuşote dkowın ucdo bu athro d’Suriya.

Bakırxan dmawdacle d’Nauroz di şatathe Nauroz du şlomoyo, mathkarle ste du qyomo dımde bayn d’QASAD u Darımsuq athi luhwoyo bu taro di qroyto dsımle Cabdlla Öçalan lu şlomo b’Turkiya.

Cali sbutho du qyomo d’Suriya, u rişono zawgoyo dı DEM parti mırle ste “u qyomano mde rahuqo mu mafhum di dektatoriye uda madhhabe, bnişo dcayşi a’Kurdoye, a’Calawiye, a’Caraboye, a’Druz, a’Mşihoye wa n’Armınoye cama came u tawdiyotho d’Suriya kulle camıhdode, calu asas di demoqratoyutho uda hiyoywothaththe.