İmamoğlu mahwele awyutho cami cito Armınoyto dsımwo hjomo acla

U rişkarxutho gawonoyo d’Stanbul Ekrem İmamoğlu sımle socurutho li cito dı şlıhwo u slibeyda u mırle, U medano sim mqabıl dkulayna, lo cali cito dan Armınoye belhude.

 Bu mamlo dsımle camu rişono du waqıf di cito Surp Krikor Edvard Ayvazan mırle, gedşo fayoto howe, kulayna bcayni dukthona, kul zawco dıkmisim lı duktho di slutho, cal kulayna kmisim-lıkforıq mayna tawditho’yo.

U rişono di karxutho gawonoyto d’Stanbul Ekrem İmamoğlu, bi socurutho dsımle li cito Surp Krikor, dha farsufo 23 bu yarhano qum di kamera şlıhwole u Slibeyda u dımhalqwole cali arco, mahwele dlıkmaqbıl hawxa hçome cala bote di slutho.

İmamoğlu dkıtwo acme u rişono di karxutho d’Uskudar Hilmi Turkmen, dkıtyo i citathe eba, yatiwi camu rişono du waqıf u mahwelın u ğamo dıgtucni mqabıl du mede dhawi cali cito u mırlın; U hjomano hawi cal kuleyna, lo belhude cali cito.

Imamoğlu bu mamleyde mırle lu rişono du waqıf; Kobacno dımsaletullan leşan u hulmoneydan, la fulhoneydan ulu şufro di mditeydan. Mede ha kobacno dudcitu, u mede dhawi mqabıl di citahe-mqabıl dkulayna hawi. Mın hjomo dhowe cal duktho di slutho cal kulayna kmisım.

Lfuth u tbocofroso d’Turkiya, u farsufano msik elo bıthır yawmo marfe hiro,qayo latyo idico. Kull noşo kmıftakıtır, en u hjomano dhowe’wo cal masığdo da Maşılmone, Erdoğan lıksamwo mamlo mede?. Bram bi sbuthathe uba sebwotho dkowın cal cama Mşihoye qolo layto.