İmarcitho di cito Suryoyto b’Beljika sımla qroyto lu camo dımqadım mcadronutho

İ efetruthutho fatıryarxoyto d’Beljika, Fransa u Luksemborg frısla egartho dıgtılbo mu camo dhowe mcawnono la şutose di şıltonutho du athro d’Beljika bu zabnano di casqutho du kewo di Corona.

İ egartho dkıtyo tahtu ışmo du efutrufo fatıryarxoyo Gewargis Gawriye kımmo bu zabnano di casqutho dıkfayto britho mena ahnaste xıd camo mıftakarlan dhowina mcawnone la şutose du hulmono du athro u la dukotho e hrene dkıtlın sniqutho.

İ egartho kımşaryo ba burkotho dı Sayidna u hasyo u bıthır komır, a mhaymıne yalifene b’ba yawmothani du sawmo dhowın sanode u mcadrone la dukotho dkıtne sniqoye, bu zabno da mhaymıne dkızzın la citawotho, elo bu zabnano di casqutho du kewano a mhaymne laybın dızın la citawotho, mawxa i hasyutho mıdla fusqono da mhaymıne kibın obın u snodathe wi mcadronutho calu darbo di banka wu konto dı mahatlan bi egrtho.

Bu zabnano kito sniqutho rabtho la darmone mawxa ba zuze dı malimina ahna xıd marcitho dmişadri la dukotho dkito bınne sniqutho mathlo a ahunoneydan d’Suriya, Iraq u Hınd u ğeyr dukotho.

İ mcadronutho dıgdobutu gıdmılyo i qrayto dsımla i şıltonutho d’Baljika laşan u zebono da fase dıkmitahti calu femo u xer samone dkito sniqutho lınne.

U konto di mcadronutho hanoyo dkıtyo dilonoyo u tahtu duyoqo da hadome du mawtbo di marcitho, wi mcadronutho kulla gıdmitasılmo la şutose  du hulmono  di mcadronutho du athro d’Beljika. U ladukotho hrene dkito sniqutho tahtu ışmo di marcitho du camo Suryoyo d’Beljika, Fransa u Luksemburg.

Bu huthomo i efetruthutho fatıryarxoyto kımqadmo burkotho u tawdiyotho li mcadronutho du camo.