06/04/2020

U Yaban hule 3. 6 mılyune dolare mcadronurho dollare lu tecmiro d’Şigur

İ şıltonutho du athro du Yaban mqadamla 3 foruşo 6 mılyune dollare mcadronutho lu tecmiro u quyomo di fnitho d’Şigur da yezidoye dkıtyo bu Iraq.

Tahti tahrazto d’emwotho mhaydotho du tecmiro da dukotho da haye d’banynoşo, gıdmitacımri a dukotho dıkbişiwole u tukoso marıhbono dı Dcaş bi şato da 2014.

U athro du Yaban kımdawım u snodeyde lu athro du Iraq laşan u tecmiro da dukotho dı mahırwiwo mu tukoso marıhbono dı Dacış bu athro du Iraq.

Bıthır mıd mahrıwi a fınyotho du daşto d’Ninwe u d’Şigur emwotho mhaydotho cami şıltonutho du Iraq mahatwolın tahrazto d’tarmitho du tecmiro da dukothani me hatho laşan a barmothoyathe dı ducri u dcımri ba dukothathe me hatho.

Bi sbuthathe u athro du Yaban mqadamle 3 foruşo 6 mılyune dollare dilonoye lu tecmiro di fnitho d’Şigur.

A zuzani mqadamli li şıltonutho du Iraq tahte di tarmitho d’Emwotho mhaydotho du quyomo u du tecmiro du athro du Iraq me hatho.

U Yaban hani mqadamle 540 mılyune dollare mcadronutho lu athro du Iraq gawonoyith.