İmarcitho du Swed zwınla makinat du test di Corona laşan a kohne u şamoşe

İ marcitho du Swed dkıtyo bi rişonutho d’Mor Diyosqoros Benyamen Ataş wu rişmawtbo Sleman Kurt Mirza zwınlın makinat du test di Corona laşan akohne u şamoşe dımsalın ba citawotho yawme da huşabe. Bi mawdconutho dmıdlan mu riş mawtbo mırle laşan da kohneydan wa şamoşe dı qudri msalın bıthnihutho ba citawotho yawme da huşabe mawselan a makinat me Almanya dkıtne maqıble mu Swedste.

Bi mawdconutho dmıdlan mu rişmawtbo mırle hın ma citawotho dkıtlan bi marcitho kmisale bınne mu taraf du kohne u kmo şamoşe laşan dmifrosi bu nawlo, ahnaste zwınlan a makinan dgımşarinalın yawme dhuşabo la cştawotho dkıtlan dıg mote u mınyonathe sıttır me cısri citawotho bu swed laşan da kohne wa şamoşe dsaymi u test dıklozım dmidıc en noşe mane kıtle u kewo di Coroan aw lo, bu şıklano a kohne wa şmoşe dık mahwın teşmeşto du qurobo alohoyo dhowın thnihoye u dlowe qalaq blebaye.

A makinani cama darmonathe mawsın me Almanya elo maqıblenen mu athro du Swed ste mawxa mawse mınyono d’100 makinat.

Bi mawdconutho dhule u rişmawtbo Suleyman Kurt mırle hani ahna xıd marcitho gımşarinalın la citawotheydan magon dlo zuze.