İmdabronutho hathto d’Amerika gıdfılho laşan şroyo siyasi lu kriz d’Suriya

İ mdabronutho hathto d’Amerika mawdacla dgıdfılho m’hatho, laşan dmiqafe şroyo folitiqoyo lu kriz d’Suriya.

 Bebzabno, i mdabronutho d’Joe Biden mawdacla dgımdawmo u hboso momunoyo calu rejim d’Suriya hul dmıştawtıf b’şıkıl jıddi la bazare du şroyo folitiqoyo dkıtne mbayne lfuth a’fusqone d’Emwotho Mhaydotho.

 U malolo di wazirutho di baroyutho d’Amerika Nid Prays, mawdacle di mdabronutho hathto d’Waşington gdımhathıtho a’fulhonayda, bnişo dmişarır şroyo folitiqoyo dkibe dmakle u qrobo b’Suriya. Prays mawdacleste du athrayde gıdhowele droşe m’qariwo cama bnayqyomayde ucama şorikayde b’Emwotho Mhaydotho, u mırle “Waşington gıdmıstacımlo a’mkone dkito bidotha, baynothaye u hboso momunoyo gdımdawım, bnişo dmıtfık u rejim laf şuhlofe çıddi u myodo du hşowo, udımcaqbo Emwotho Mhaydotho i wolitho dıknıflo acla bi sbutho dmiqafe şroyo folitiqoyo lfuth u fusqono da 2254”.

Bebzabno, u malolo Amerikoyo mawdacle du athro d’Suriya gunho mahişono di noşuthoyo, u hule şudoyo d’Amerika gıdmaydo calruha i wolitho rişoyto dkıtla dımqadmo mcadrınwotho la galwoye dkıtne lawğıl u larwal d’Suriya.

Camgabıdathe, u malolo di wazirutho di baroyutho d’Amerika Nid Prays kali cali sbutho dıklozım u şroyo folitiqoyo d’Suriya dımqafe şroye la celotho du qrobo gawoyo dhani çac ışne kımdawım b’Suriya.