10/02/2020

İmwatyutho beyn du rejim d’Suriya u d’Turkiya heş kımdawmo b’İdlib

Bu zabno dkımdawmi a taxtuşe bayn li şıltonutho d’Suriya u la gurube saqıbloye baynothaye marıhbone bi fnitho d’İdlib Turkiya mşarela drıthho.

Turkiya me gabo ksaymo itawyotho cam Rusya u me gabo hreno kımdawmo bu nqolo da zayne u da folhe la thume dkıtla cam Suriya bi fnitho d’İdlib.

İ sbutho d’İdlib hdo ma sıbwotho qamoye dı Turkiyayo dıg ahto u hayleyda siyasi folhoyo u diplomatiqoyo aclayo.

Bıthır mıd u gayso di şıltonutho camu snodo d’Rusya mşarele dkobış a dukotho d’İdlib u camu zabno dmatım a saqıbloye dkıtne bi fnitho Turkiya mşarele dmaşiro folhe u zayne li fnitho.

Camgabe dıg maxiro zayne u folhe li fnitho kothela a tebe dhın ma haylawotheyde kmiqtoli ma hjome du gayso d’Suriya dıksoyım cala dukothe da marıhbone u da saqıbloye. Mathlo lu medano bu zabno dı saymiweyna u tebano athi u tebo dı qtil 5 folhe Turkoye b’İdlib.

Me gabo hreno Turkiya ksaymo knuşye cal knuşye cam Rusya laşan dımqafyo şroyo u dkole u malxo di zoxutho dıksoyım u gayso d’Suriya mqabıl da saqıbloye u da marıhbone dkıtne b’İdlib. Elo hul ucdo med lı mahıt b’İdıothe d’Turkiya mu taraf d’Rusya lfuth i maqırhonutho dsımle u waziro di baroyutho d’Turkiya Mewlut Çavuşoğlu dmırle en dmıtafqiweyna cam Rusya adyoma naqqa hreto lıg yıtwiweyna acmaye.

İ sbuthathe d’İdlib hawyo sbutho d’Emwothomahydotho d’Urifi u d’Amerika u d’Rusya dık dırşila, u be bzabno Turkiya kmaşiro folhe u zayne du qrobo ltamo laşan dcıbro lu qrobo dımdafco cala saqıbloye wa gurube marıhbone dım qawmi bi fnithathe.

Check Also

U parlamento d’Australia tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe

U parlamento federaloyo d’Australia, bıha femo tlıble mi şultonutho du Iraq dımşatso şulto…