İsbutho di Kampanya dmabdele ESU calu Sayfo heş kıgırşo u zuhoro

İ kampanya da imdat du Sayfo dmabdele u Huyodo Suroyo d’Urifi ESU, mşarela dmimbarbizo bu tbocofroso kenşoyo ubu tbocofroso gawonoyo.

 Bi mawdconutho dmıdlan ma mşale d’ESU, mawdaclın di kampanyathe kmibarbizo u bebzabno, mınyono ma qoyume d’Urifi sımlın esore cam ESU leşan dımqadmi rmoyto bi sbutho du Sayfo.

 İ kampanya d’ESU dkıtla nişo dgurşo u uzuhoro cali sbutho du sayfo, u be bzabno ktılbi mu huyodo d’Urifi dmawde bu Sayfo dhawi calu camo Suryoyo-Othuroyo wa mşihoye hrene mu taraf di mamlaxtho Cuthmanoyto bi şato da 1915.

Bi mawdconutho dmıdlan me ESU mawdaclın di kampanyathe dı mabıdyolın kmibarbızo bi sosyal media, u be bzabno hın dafe da tebe frıslın u hulın mawdconutho calu nişo dkıtla i kampanyathe du Sayfo.

Bıthır me zabno dhiw tebe acla ESU mşarelın dımşadri i mawdconutho di Kampanya lu tboco froso gawonoyo. Bıthır mu şedore d’mailat dhawi hın qoyume mu parlemenrto d’Urifi sımlın esore cam ESU laşan dmaydi mawdconutho u be bzabno mışkıl kibın howın sanode li sbutho du Sayfo da 1915.

Bi mawdconutho dmıdlan ma mşale d’ESU mawdaclın du talab dhawilın ma qoyume dıqudri mqadmi rmoyto lu Huyodo d’Urifi laşan dmıdroşo i sbutho du sayfo bayn da qoyume du parlamento. Dkıtyo mşaklo ma athrawotho d’Urifi kule.