İsbutho du Sayfo kmıdroşo me farsufe dıkseymi haqara dkıtne sanode d’Erdoğan

İ sbutho du Sayfo dan Armınoye uda came Mşihoye, matyo l’darğo da farsufe dıkmısnodi me Erdoğan, dımsacri u dımhaqri a gelyunore dıksaymi droşe ba froshezwe bi sbuthathe.

 Bi sbuthathe, u farsufo dıksoyım mamlo bışme dıha şutoso dıksonıd Erdoğan, b’şubhoro kımawde da Cuthmanoye qtilın an Armınoye u towo dsımlın.

 Bıthır me hıdo tahrazto dsimo bu froshızwo d’Alcadidi dıdriş eba i sbutho du Sayfo wi aykanoyutho d’Turkiya ducdo u Erdoğan mın siyase kıtle dkobıc manhatla la haye cama ahunone maşılmone. Bi tahraztathe u gelyunoro Nişan bu mamleyde ksoyım sturyo Erdoğan u komır hiya wa ahunone maşılmone kıtlın siyasat ğalabe bişe.

Bıthır mi tahraztathe u rişono di knuşto Merdnoyto caraboyto lebnonoyto Munir Hasan ksoyım mamlo bişo u kımhaqır a Armınoye u knofıq moro l’Erdoğan kamiloyith bu mamleyde dkıtyo 7 qatinotho hın mene hawxayo.

Bıthır mıd kımhaqır u gelyunoro Nişan b’xabre cjiqe komır, ahna kıtlan şubhoro ba jıdeydan a cuthmanoye wa turkoye dsımlan u qtolcamo cala armnoye, hatu kmıstahlutu dmıqtolutu u dmınhorutu, u maktabzabnathxu malyoyo bixyene. Be bzabno u farsufano knofıq moro l’Erdoğan u komır lu froshezwo d’Alcadid u la gelyunore hatu man kowutu dıksaymutu Erdoğan sturyo, lo hatu u lo noşe hrene kibe domır mede l’Erdoğan.

Bi sbuthathe kmahwe ğalabe ftiho aydarbo inaqa dıkmisim sturyo l’Erdoğan  kito noşe dkıtne sanode dide khozın haq bruhaye dkibın mhaqri msacri cıl mıd kıtyo u rişono di knuşto ruşmoyto b’Lebnon. Mede hıreno harke nafıq farsufe dıksonıd Erdoğan kmawde da jıdoneyde u d’Erdoğan sımlın u sayfo da 1915 cala mşihoye bu zabno du qrobo qadmoyo dıbritho.