İsroyel kımtawbo tahrazto, d’jubro Hamas dnofıq ma hlile dhfırle tahte di arco

Lfuth mawdconutho dmatila i sfaryawmo d’The Wall Street Journal, İsroyel bnela sistem rabo d’pompat da maye, dkito gado rabo dmıstacmılolın leşan dmılyo a hlile dfırle Hamas tahte di arco bu Xtuto d’Ğazza maye mu yamo.

A hlilani’ste kmıstacmelın Hamas bu qrobayde mqabıl d’İsroyel. Bu mloyano da hlile maye mu yamo, gıdjobır u gayso İsarloyo a marhıbone d’Hamas dnufqi menaye. Me falge du yarho dşafıcina, markawole u gayso hol 5 pompat qariwo li maşritho da galwoye d’Al Şati.

A pompatani kibın dnuqli ban alfayo d’kubik metre d’maye i şoctho lıgawe da tunnelani bıgawe dkmo şabe. Elo i sfaryawmo Amerikoyto kımawdıco’ste, dheş latyo qriho en İsroyel gıdmıstacmılo a pompatani meqım mu terfiyo da yasire. Xıd tedbire mawdacwole Hamas, d’tlele hın yasire bıgawe da tunnelani.

Bi sbuthathe’ste i wazirutho du sutoro d’İsroyel lo huwla fuşoqo elo mırla; A hayle di mşaynutho kımaşın cuqobe frişe leşan dmaqimi a gade frişe da hçome marhıbone d’Hamas. İ sfaryawmo mawdacla’ste, d’İsroyel huwola heş meqım şabtho mawdconutho bi sbuthathe da tunnele l’Amerika.