İsroyel makadla i tahrazto dkıte

U mathlono dilonoyo d’Amerika bu İran Brayan Hook, laqi u rişwazire d’İsroyel Benyamen Netanyahu wu waziro di baroyutho du athro Gabi Aşkanazi.

 Ba ytawyotho dhawın, atre gabe drışlın aydarbo kibe dmınfıq mqabıl da fulhone bcelıdboboye dıksoyım u İran bu Madınho Mescoyo.

 U mathlono dilonoyo d’Amerika bu İran Brian Hook dkıtyo bebzabno u mşalo da mşawrone du waziro di baroyutho, athmıl bi socurutho dsımle l’Urışlem, yatıw camu rişwazire d’İsroyel Benyamen Netanyahu ucamu waziro di baroyutho Gabi Aşkanazi.

Ba ytawyothani, Hook, Netanyahu drışlın a fulhone mşawtfıe du nfoqo mqabıl da qedome bcelıdboboye du İran bu Madınho Mescoyo, u aydarbo kibe dmıhrım u İran ma mabuce momunoye dkıtyo sniqoyo elaye, bnişo dmaqwe a fulhonayde a marhıbone u dısonıd a wakilayde ban athrawotho du Madınho Mescoyo.

Bebzabno, a tre gabe drışlın i ulsoyutho dmişawhır u fusqono d’Emwotho Mhaydotho dıkmonıc dmişadır zayno lu İran u dıkmıntır dtoyım 18 bu yarho d’Teşrin u qamoyo dıbqamuthayna. U camgabıdathe Hook u Aşkanazi makadlın dlıkowe dfoyış haylo lu İran bgawe d’Suriya.

İ mathlono dilonoyo d’Amerika wu waziro di baroyutho d’İsroyel, drışlınste i methcadronutho diplomatiqoyto dıkmdawmo beyn da tıre gabe bhaqle mşahılfe, u makadlın dgınufqi moro la timoyotho u la yuthronathe a mşawtıfe.Camgabıdathe, Hook makadle du athrayde d’Amerika bı fusqono kamiloyo dgıdsoyım u garanti di mşaynutho d’İsroyel.