18/04/2021

İsroyel u Yawnan mdelın qyomo laşan imşaynutho

İsroyel u Yawnan, mdelın qyomo leşan i mşaynutho dıkmote u timayde L’1.65 milyare dolare.

U qyomano dımde athmıl, hawi u qyomo rabo di mşaynutho dıkmıdme beyn da 2 athrawotho.

Adyawma a mşale İsarloye u Yawnoye, mdelın qyomo rabo camhıdode bu haqlo di mşaynutho. U qyomano dkıtyo b’timo d’1.65 milyare dolare, kmifaşıq u qoyomo qamoyo rabo dıkmisım bu haqlano beyn da 2 athrawotho.

U nişo du qyomano’ste, dmitaqwın a esore folitiqoye u momunoye beyn da 2 athrawotho’yo. Mawdıc bıgawe du qyomano, kito terkiwo d’qentrun du yulfono uda droşe la hayle oyaroye du Yawnan mi şırke d’Elbit system. İ wazirutho du sutoro d’İsroyel mawdacla da droşani’ste gıdmdawmi l’maşıqlo d’22 eşne.

U qentrunano gıdmıbne lfuth u model dkito b’İsroyel u gıdhowe bıgawe tayosyotho frişe d’şırke İtaloyto, leşan dmisomi a droşe ebeye. Beny Gantz mırle; M’akdono di tahraztathe gıdmşawşıto u gıdmaqwıyo a mkone da esore beyn da 2 athrawotho bu haqlo du sutoro, du momuno udi siyase.

İ mawdconuthathe friso bıthır mi ytawto dhawyo athmıl b’Qufrus beyn da wazire di baroyutho dİmarat Caraboye Mhayde, du Yawman, d’Qufrus u d’İsroyel, dmatın l’awyutho dmaqwın i methcadronutho dbeynothaye. Bebzabno u qyomano hawi yawmo bıthır mu mamlo harufo dhawi beyn du waziro di baroyutho du Yawnan udu bar’amnayde u Turkoyo b’Ankara.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…