Jabro drışla isbutho da bote kbişe du camaydan u da qalilwotho hrene u tedciro da mulkonani la morathe

I wazirto di galwoyutho bi şultonutho du Iraq İvan Faeq Jabro, laqyo u mcadrono qadmoyo du rişono du parlamento Hasan Alkacbi.

Bi ytawtathe, Jabro drışla i sbutho da bote kbişe du camaydan uda Sabiaa Mandoye wu tedciro da mulkonani la morathe.

U mcadrono qadmoyo du rişono du parlamento du Iraq Hasan Alkacbi dkıtyo bebzabno u rişono di sictho dıkmaydo li ido a’şkuwwat dkito bi sbutho da bote u mulkone kbişe du camaydan uda Mandoye, athmıl mıstaqbele bu makıthbayde bı Boğdod, i wazirto di galwoyutho bi şultonutho du Iraq İvan Faeq Jabro.

Bi ytawtathe, Jabro dkıtyo ma n’abne du camaydan di cito Kaldoyto, drışla i sbutho da mulkone du camaydan uda Sabiaa Mandoye dıkbişi b’şıkıl lo qonunoyo mhın grub u mafyat dıkmısnodi m’hayle di şultonutho, u kalyo cali ulsoyutho dmitadcıri a’mulkonani la moraththe dkıtne ba mdinotho d’Boğdod, Mawsal, Albasra u Kerxıslox.

Jabro mawdacla ste dkıtla mabco dmıftıh qanale d’esore bayn di wazirutho di galwoyutho wi sictho da şkuwat dkımrayşanla Alkacbi, bnişo dmotın b’şıkıl fşito a’şkuwat dıkmiqadmi ma barmothoye du camaydan uda Sabiaa Mandoye dıkbişi a’botaththe, udhowe sdirutho cama botaydino ucami şultonutho laşan dmimıd hşowo ma hayobe.