John Bayden mbayanle i tahluftayde

U mraşho da ğuboye dli rişonutho d’Amerika John Bayden maqrahle u ışmo di tahlufto dgıduwyo en dminaqe rişono du athro.

 Kamala Devi Harris dkıtyo i senatore d’Kalifornia, kuthyo me abohe dlatne bu şerşo ma Amerikoye hewore.

 John Bayden dkıtyo u mraşho du gabo da Demoqratoye d’Amerika dılfuth a statıstike kmahwe qamoro meqım me Donald Trump da qutnuthoye mbayanle man gıdhowe u tahlufeyde en dminaqe rişono lu athro.

Bayden mawdacle en dhowe rişono l’Amerika i tahlufteyde gıdhuyo Kamala Harris dkıtyo ma Amerikoye şırşoye dıkmıqroyi kome. U babeyda me Jamakayo i emeyda mu hındyo.

Haris u yulfoneyda u celoyo mıdla mi bethsawbo idicto d’Amerika Horward, bi şato da 2003 hawyo i qode di hiğmonutho d’San Fransisco, inaqa dımnaqyo li wolithathe hawyowa i athto kımto qamayto dımnaqyo lhawxo wolitho bi hiğmonuthathe.

Elo ba ğuboye dıfayiti Kamala Haris mnaqyo wa xıd Senatore li hiğmonutho d’Kaliforniya. Bu şıkılano inaqa d’John Bayden dhowe rişono hiya gıdhuyo i athto kımto qamayto dıgduyo tahlufto du rişathro d’Amerika.