Mismari mawdacle Turkiya kımşadro marıhbone l’Libya

U malolo du gayso athronoyo d’Libya Ahmet El Mismari bi mawdconutho dhule mırle; Turkiya bi mcadronotho d’Qatar kımşadro marıhbone l’Libya. 

 U malolo du gayso mırleste; 300 jatawiye me Somaliya matın li mditho d’Misrata bu duyoqo da rabayhaylawotho d’Qatar.

 Bi sbuthathe tebe mşahılfe fris d’Turkiya kımşadro jatawiye me Suriya u me athrawotho hrene l’Libya laşan dımharbi laşan a manfacat d’Turkiya.

Bi maqırhonutho dhule u malolo Mismari mırle: Turkiya bu snodo dıkmaydo mu athro d’Qatar kımşadro jatawiye me dukotho mşahılfe l’Libya u hani kule kobolın zuze mqabıl du qrobo dobın mqabıl du gayso emwothoyo d’Xalifa Xaftar.

Bi maqırhonutho dhule Mismari mırle bu zabnano u haroyo 300 jatawiye me Somaliya matın l’Libya bu duyoqo da rabayhaylawotho d’Qatar  u mşadri li mditho ulsoyto du nafto Misrata dkıtyo u qrobo bayn latre falqe dkıtne bu athro dkul ha mane komır ono u mşalo du athro d’Libyano.

Bu şıklano Turkiya u Qatar ksındi hdode bu şedoro da jatawiyela la dukotho dkibın qrobo xıd Libya u ğer dukotho hrene dkıtne ba qrobe.