John Bolton bi maqırhonutheyde mırle Tel Aviv tırmabdiyo qrobo mqabıl du İran

 U mşawrono catiqo di mşaynutho umthoyto du Qusro Heworo John Bolton, bi maqırhonutho dhule lu frosqolo d’İsroyel sımle qroytlo l’Tel Aviv dmabdıyo qrobo mqabıl du İran, meqım ma ğuboye dıgsaymo Amerika bu yarho d’Teşrin u haroyo di şatathe.

 Bolton komır; Bu zabno da tıre yarhani, zabno tawoyo d’İsroyel dsaymo cuqobe calu İran.

 U mşawrono catiqo du rişono Amerikoyo John Bolton bi mawdconutho dhule lu frosqolo d’İsroyel mahkele cala guboye du athro u sımle sturyo u rişono d’Donald Trump wu mraşho hreno John Biden u mırle; Ma 2 rişonani, lıklozım İsroyel d’nutro mede.

 John Bolton dkıtwe u mşawrono di mşaynutho umthoyto d’Trump nafıqiwo mqabıl dıhdode u mawxaste trewole mi wolithayde u kmidıc u hawro d’İsroyel. Bolton bi maqırhonutho dhule mırle; İsroyel kıcayşo jşğuşyo u gzome mşahılfe u İran wa haylawothayda xıd Hizbullah u ğer.

Bi maqırhonuthayde sımle qrayto l’İsroyel u mırle; Klozım dmabdıyo cuqobe calu İran, yaste cala hayle d’Hizbullah metul bıthır ma ğuboye d’Amerika, latyo idico mın gıdhowe en Trump d’qomır a guboye lo mıfsohitu, metul naqla hreto gıdhowe lbikoyo ba qetre gawoye du athro. Mawxa İsroyel klozım dımnaqyo zabno cal qariwo dkıtyo tawo lu mhoyo du İran.

İ maqırhonuthathe d’John Bolton grışla u zuhoro du tbocofroso d’İsroyel, mawxste mşarelın dı dorşi i qraytathe du mşawrono catiqo du rişono d’Amerika.