Josef Lahdo (GHS): be aydarbo u cameydan qadır dımthabıt a zedqayde xıda came hrene bi Mdabronutho Yothoyto, hawxa ste b’Suriya i hatho

NYKÖPİNG, Swed – Bu Qrobo Alohoyo u Xuroyo mqadmle koruzutho cali mıcne du Sawmo d’Ninwe u tlıble mu camo d’soyım leşan u snodo du camo Suryoyo dıkhoye bu athro dan abohotho u dilonoyith u cameydan dıkhoye b’Suriya dıkfoyıt me maşıqlo d’terkiwo du athro me hatho.

Bıthır mi slutho, abuna Xuroyo Eyub mabdele u turgomo, dımcazım ele u mşalo du gabo du Huyodo Suryoyo d’Suriya b’Urifi Josef Lahdo dmahkele cali asirutho du cameydan cami cito u tlıble mu cameydan d’nofıq moro li citayde u la maşılmonwotho dkıtlan ban athrawotho di golutho.

Bebzabno mahkele cala şuşote dkowe b’Suriya dlatyo idico layko gıdmitawblo u mawxa’ste u cameydan klozım tolıb a zedqeyde a umthonoye. Lahdo mahkele cala fulhone di Mdabronutho yothoyto du garbyo u madınho d’Suriya u mırle; Be aydarbo u cameydan cami bi rişonutho du gabo d’GHS qadır dımthabıt a zedqayde xıda came hrene du qlimo, klozım b’Suriya kula hawxa dmitaqbıl u cameydan u dmitafiti a zedqeyde bu nomuso hatho d’Suriya i hathto.

U mathlono da esore gawoye du Huyodo Suroyo d’Urifi-Jacob Mırza bu mamlo dsımle kali cali hdoyutho da gabe u şutose du cameydan, leşan dqodır tolıb a zedqayde bu tecmiro du athro d’Suriya. Bu huthomo du turgomo, u camo mşayele a şuwole dkıtwole calu turgomo u hiw funoyo aclaye.