15/03/2021

Jubran Basil gıdorış mehatho uqyomo du fhomo dkıtle camu gabo d’Hizballa

U rişono du gabo athronoyo hiro d’Lebnon Jubran Basil, mawdacle du gabayde gıdorış mehatho uqyomo du fhomo dkıtle camu gabo d’Hizballa.

Basil bi maqırhonutho dhule lu tboco froso, makadle i ulsoyutho dhowe Lebnon athro noytral frişo ma krize qlimoye dlatle yuthrono menaye. 

U rişono du gabo athronoyo hiro d’Lebnon Jubran Basil, bu knuşyo dsımle athmıl lu tboco froso bu duxrono d’14 Odor, makadle du gabayde b’fusqono kamiloyo dıdorış m’hatho u qyomo du fhomo dkıtle camu gabo d’Hizballa, bnişo dmişawşıt u qyomano ud’qodır dsoyım u sutoro d’Lebnon mkul şıkıl dı bceldboboyutho dkıthyo m’larwal du athro.

Callathe, Basil mawdacle dıklozım dmıbne stratiji di mudafaca bayn du gabo athronoyo hiro u Hizballa wa bnaymothoye d’Lebnon kulle, bnişo dmınfıq moro la n’asase du haylo d’kıtle Lebnon xıd athro, udmitahwele fsoso d’forış ruhe mkul sbutho daltle mena yuthrono.

Camgabıdathe, Basil laşan dmıbne Lebnon m’hatho, makadle dıklozım b’şıkıl çıddi dmınfıq mqabıl du fasad ba şıklat mşahılfe dkıtle, udmisomi a’şuhlofe dıklızmi du quyomayde, udmişawşıt u sistem folitiqoyo du athro b’şart dımamın i şawtofutho athronoyto kamılto bayn da mathhabayde, udmisım u garanti du dactidaththe.

Basil mawdacle ste du gabayde kobıc dsoyım i hasinutho d’Lebnon mqabıl di bceldboboyutho d’İsroyel awste da grube marıhbone, u makadle du gayso Lebnonoyo kıtle i mşalutho qamayto dımdafıc Lebnon wa thumayde.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…