Karayılan thımle Turkiya dmıstacmela gaz kimyawi bu hçomo dsımwola calu turo d’Gare

Bıthır mu qatlo dhawi ba turone d’Gare mu gayso Turkoyo, u hadomo di sicto mşablonitho di PKK Murat Karayılan thımle Turkiya dmıstacmela gaz kimyawi bu hçomo dsımwola 12 u 13 bu yarhano d’Şbot.

 Bi maqırhonutheyde Karayılan sımle qrayto la şutose dan athrawotho mşahılfe dsaymi buqore u buhone cali dukthathe du turo d’Gare.

 12 u 13 bu yahano d’Şbot u gayso kaboşo d’Turkiya sımwole cuqobe cal mcartho ba turone d’Gare bu garbyo du Cıraq. Bi mcarthathe’ste dkıtwo gerilla di PKK u acmaye folhe yasire d’Turkiya. Bi netice du hçomo dsımwole u gayso Turkoyo, a 13 yasire u mınyono ma Mharbone di PKK qtiliwo.

Bhaq du hcomano dsımla Turkiya hawi maqırhonwotho mşahılfotho u bıthır mathe u hadomo di sicto mşablonitho di PKK Murat Karayılan hule maqırhonutho lu froshezwo d2Sterk u mırle; Turkiya mıstacmela gas kimyawi cali dukthathe b’Gare, metul bıthır mıd u gerilla mhararle i duktho mqafele maskat du ğaz dkıtwın da hayle Turkoye.

Karayılan mıle; Mawxa ahna harke kısaymina qrayto la tukose u şutose noşoye Emwothoye dothın li duktho du hçomano u dsaymi buqore u buhone calu gaz kimyawi dmıstacmela Turkiya mqabıl da Mharboneydan uda yasire. Bi maqırhonuthathe dhule Karayilan mırle; Turkiya naqlat mşahılfe ubı dukotho mşahılfe mıstacmela gaz kimyawi ba qrobe dıksaymo.