KDP byanla 3 alfo peşmerge laşan u duyoqo da qentrune d’Turkiya bu qlimo d’Kurdistan

U gabo Demoqratoyo d’Kurdistan-KDP, mbayanle 3 alfo hayle di peşmerge leşan dsaymi u sutoro da qentrune d’Turkiya dkıtne bu qlimo u dılo torın dhowe tagliyotho.

  İ KDP mıdla a tedbirani, bu zabno du camo kımhaydır ruhe dsoyım tagliyotho mqabıl du qtolcamo dıksaymo Turkiya wu di ithutho folhoyto dkıtla bu qlimo.

Lfuth a tebe dıfrisi mu qlimo d’Kurdistan bu garbyo du Iraq, u gabo Demoqratoyo d’Kurdistan-KDP, mbayanle 3 alfo hayle di peşmerge leşan dsaymi u sutoro da qentrune d’Turkiya dkıtne bu qlimo u dılo torın dhowe tagliyotho. A tedbirani midi mi KDP, bu zabno du camo kımhaydır ruhe dsoyım tagliyotho mqabıl du qtolcamo dıksaymo Turkiya wu di ithutho folhoyto dkıtla bu qlimo.

A hayle di peşmerge mşarewolın bi wolithathe 25 bu yarhano b’Şeladize, Bamerne u Camadiya. Bu qlimanoste kito qıryawotho frişe du camaydan. Sahmo ma haylaniste gıdfayşi ba mdinotho leşan dılo torın du camo dloyım u dsoyım tagliyotho du protesto. A şuşotani athın lu huwoyo, bıthır mu qtolcamo dsımwola Turkiya wu camo mahwewole u hfuxyayde u tlıbwole me Arbil dlobo aftho la Turkoye dfayşi bu qlimo.

Bu hjomo dsımwola Turkiya 20 bu yarhano, qtılwo 4 clayme u bıthır mu qatlano mtayıb tagliyotho bı dukotho frişe u krihowa i ithutho folhoyto d’Turkiya bu garbyo du Iraq wu camo mqadamwole talab l’KDP dmaklıyo ahjomani, dloste gıdmaqşın a tagliyothathe mqabıl dida udı Turkiya.

Beyn da talabani kıtwoste, dmısxori a qentrune folhoye d’Turkiya u dmitarfın a hfite dımıskiwo meqım şato. Ba cuqobe dsımwo ba 2019’ste, qtılwo 5 mdinoye u sımwo tagliyotho mqabıl da hjomani d’Turkiya calu garbyo du athro.