Kımdawmi ahfuxye mqabıl da hjome dıkmisım cala Armınoye d’Turkiya

A hfuxye mqabıl du tahdidi dsim lu waqıf d’Hrant Dink ula mşaleyde kımdawmi. Elo mu gabo di şultonutho layto qolo u maqırhonutho xıd ksaymi inaqa dkowe hjome cala masığde.

 U fatıryarxo di cito Armnoyto Sahak II Maşalyan, i sdirutho da şutose da xedqe noşoye krıhlın u tahdidano u mırlın ahna b’Awyuthona camu waqıf d’Hrant Dink.

U fatıryarxo Mor Maşalyan bi maqırhonutho dfrısle mırle; A tahdide catume klozım dmitaglın, wa waridatheste dmitanışfi. A tahdidani a catume, dlı mitanhıri u dmıtlıb hşowo ma sayome, gıdcayşina zabnotho sagiyotho u tahdid dsımwo l’Hrant Dink, u bıthır mu tahdinano qtılwo b’imomo qum caynotho du camo bi şuqo. U farsufo dımsik dıkmithım bu tahdid dmitaslım lu bethdino.

Me gabo hreno i sdirutho di awyutho du defoco da zedqe noşye bi maqırhonutho dfrısla lu tbcoco froso mırla; Gıdhowina a mcaqbone du maşıqlano du tahdid dhawi calu waqıf d’Hrant Dink. A mşale dkıtne bi şultonutho kulle, kubcina dtorın ma mamle di bcelıdboboyutho udi frişutho da hiyoywotho, metul da mamlani’ne dkowın arcutho la tahdidani.

Bi maqırhonutho dfrıslın a hfite da sedqe noşoye mırlın, U tahdidano latyo tahdid d’farsufo dlo kodıc nafşe, hani a fire di siyase di fliğutho dıkmisomo’yo, a siyasani di frişutho’ne dkobın haylo la farsufani dsaymi tahdide du qatlo, metul da farsufani kfayşi dlo hkomo. U waqıf d’Hrant Dink, waqıf dıktolıb a haye da mardwotho dcayşi camhdode. Kull noşo dhowele hirutho zıttır, kinutho u haye basime b’Turkiya.

İ sdirutho bi maqırhonutheyda kımmo: Mcaqbone du maşıılona, camgabe du waqıf, u sniğro du waqıf u d’Rakel Dink latne lruhaye-kulayna a sniğrayde’na.

I sdirutho da şutose da xedqe noşoye mşakaltoyo me hol 20 şutose da sedqe noşoye dkıtne b’Turkiya, beynothaye u waqıf da zedqe noşoye, u tukoso du Şbuqyo Emwothoyo u ğer.