Kmihalıq zawlo qum du tarco makthabzabnoyo d’Şamş di mdinoyutho Othuroyto b’Mawsal

Ahfite u nahire di mditho d’Mawsal krıhlın u qedomo di karxutho dlıkmahwiyo yasifutho la nathare uli mdinoyutho catıqto di mditho.

Ba maqırhınwotho dıkmıfrosi ba dafe kenşoye du nawlo, anahire d’Mawsal kmawdıci da nathrawotho dı britho kulle knıfqi moro la natharththe, elo balhude i karxutho d’Mawsal bidactho kımhalqo u zawlo qum du tarco makthabzabnoyo d’Şamş di mdinoyutho Othuroyto.

 A’hfite u nahire d’Mawsal sımlın sturyo qaşyo i karxutho di mditho, cal dıkmahto a’sanduqe rabe du zawlo qariwo mu tarco makthabzabnoyo d’Şamş dkıtyo ha ma tarce di mdinoyutho catıqto da n’abohothaydan an’Othuroye bı Mawsal.

A’hafite u nahire d’Mawsal ba maqırhınwotho dıkfırsi ba dafe kenşoye du nawlo, kmawdıci di karxutho bidactho mahıtla a’sanduqe rabe du zawlo qum du tarco d’Şamş, wu medano trele u camo dımhalıq u zawlayde udlotım ham lawğıl uhamıste larwal da sanduqe, ubu şıklano a’şurone makthabzabnoye Othuroye d’Mawsal mşahılfi l’nuqazto du zawlo.

Bebzabno, a’hfite u nahire d’Mawsal makadlın da n’athrawotho dıbritho kulle kıtlın şubhoro ba mdinoywothaththe uknıfqilın moro, elo balhude amşale wa n’abne d’Mawsal kmahırwi i mdinoyutho di dmithaththe ulıkmahwalla ulo şıkıl d’yasifutho.

Camgabıdathe, a’hfite u nahire d’Mawsal mamtelın lubolo a’fulhono dsımiwo meqım kmo yarhe du grofo du şuro makthabzabnoyo d’Ninwe ma falohe di karxutho d’Mawsal, bnişo dmıbnewo d’bote lıhdo iqartho idıcto bı Mawsal b’dukthıd du şuro makthabzabnoyo d’Ninwe.