Kmıntır dmıdroşo isbutho di mawdyonutho du qtolğenso da 1915

U hadomo qutnuthoyo bi kongre d’Amerika Joş Harder, mıştawtafle li sictho di hedriye du knuşyo dıgmisım bi kongre cali sbutho dan Armınoye.

 Harder ha ma qutnuthoye dıkrıhle ahçome dsımla Azerbaijan u Turkiya cal Qarabaxyo ubebzabno, ha ma sanode di mawdyonutho di mawdyonutho bu Sayfoyo.

Lfuth u Komisyon Athronoyo dan Armınoye b’Amerika- ANCA, u qutnuthoyo di marcitho d’California bi kongre d’Amerika Josh Harder, mıdle duktho bi sictho dgımtaybo u knuşyo dcalan Armınoye bi kongre du athro. Bu knuşyano’ste, kmıntır dmıdroşo i sbutho di mawdyonutho bu qtolğenso dan 1915.

Bu zabno du qrobo du qlimo d’Nagorno Qarabax, Harder ğalabe naqlat krıhwole a hçome da hayle d’Azerbaijan bu snodo d’Turkiya uda muttafikayda calu qlimo ba 2020 wu husrono dhuwlın la mdinoye u tlıbwole mi şultonutho d’Woşington, dmaklıyo a esorayda cam Ankara.

Josh Harder d’ğalabe naqlat krıhle u qtolğenso dan 1915, mıştacele’ste dawro bu şeçoco di şultonutho, dmawdıyo bu Sayfo dsim calan Armınoye, Suryoye Othuroye u Pontusoye beyn da eşne 1915 uholan 1923. Cala fulhonani dmaşele Harder, an Armınoye d’Amerika mqadamlın a tahınyothathe lu qutnutho.