Leyla Guven mşadarla egartho cala hbose dıkseymo Turkiya la rişone du Huyodo d’Urifi

Leyla Guven dkıtyo i rişonitho zawgoyto DTK u qoyumto du gabo d’HDP me Hakkari, mşadarla egartho la rişone d’Urifi u hula i hzaytayda cala hbose u teştıcınye dıksaymo Turkiya calu lumodo Demoqratoyo da came DTK.

 Guven i egarthathe mşadrola la rişone folitiqoye; beynothaye u rişono du Mawtbo d’Urifi David Sassoli, u mşalo da esore baroye Josep Borrel u mşale hrene du Huyodo d’Urifi.

 Leyla Guven dımsiko zabnotho sagiyotho u cabirowa li taglitho du kafno, kıthula egartho dımşadrola la rişone u mşale d’Urifi laşan mahkiyo calu dyoşo, wu hboso dıksaymo Turkiya calu lumodo demoqratoyo da came DTK u calu gabo di HDP, u cala came gawonoyith.

Bi egarthathe Guven rızla a hawbe wa hbose dıksaymo Turkiya cala came u mşadrola la rişone siyasi d’Urifi. Guven i egarthathe mşadrola la rişone u mşale folitiqoye laşan dıgurşo u zuhorathe cala dyoşe dıksaymo Turkiya bu zabno haroyano.

Hın ma rişono dımşadarla lınne i egartho hanine: u rişono du parlemento d’Urifi David Sassoli, U rişonitho du komisyon Ursula von der Leyen, u mşalo da esore baroye du huyodo Josep Borell. İ rişonitho zawgoyto d’DTK u qoyumto du gabo di HDP Leyla Guven mşadarla i egarthathe l’ğalabe rişone u mşale folitiqoye dkito bu Huyodo d’Urifi.