Macron sımle qroyto dmıflığ bşawyutho u vaksin di corona la athrawotho faqire

U rişqutno d’Fransa Emmanuel Macron mawdacle, d’Amerika u Urifi klozım dfulği bşıkıl şawyo u vaksin di Corona lanathrawotho dkıtne faqire.

İ qroytathe d’Macron simo athmıl, belhude yawmo meqım mıd mşare u knuşyo d’G7 dgımisım adşato b’Britania.

Lfuth u rişqutno Franşoyo Emmanuel Macron, Amerika wan athrawotho d’Urifi, klozım dfulği 5 ba mo du vaksin dkıtte ucdo mqabıl du virus di Corona, lan athrawotho dkıtne faqire. Adyawma a 7 athrawotho mşawşıte d’britho-G7, layimi b’Cornwall d’Britania, bnişo d’dorşi şwole u qetre frişe;beynothaye u pandemi di Corona.

Anathrawotho d’G7-Amerika,Almanya,Yaban, Britania, Framsa, Kanada u İtalya’ne. Bu mamlo dsımle Macron mırle; En dmıftakrina bu cumqo du ftakar dıkmisım ba mo alfayo d’vaksin ban athrawotho dkıtne catire, udlo mabdena u vaksinano ban athrawotho dkıtne faqire-i mıncayde du ftakarano gıdmifaşık-lıgnoçıh.

Lfuth Macron, Amerika u Urifi mabdelın cayni şıkıl du diplomasi dıkmaşe u Sin u Rusya. Lu knuşyano d’G7’ste hadır u rişono hatho d’Amerika Joe Biden bu darbo du nawlo, wu Qusro Heworo mawdacle, du rişono Amerikoye gıdmawdıc d’Amerika frışla hol 4 milyare dolare lu syomo du vaksin ubu floğayde lan athrawotho dkıtne faqire.

Biden gıdmşaçıc’ste G7 dfulhi camu inisyatif d’COVAX du Tukoso Emwothoyo du Hulmono, leşan kull noşo dhowele mkono la vaksine dkito.Ucdo’ste kfoyış calan athrawotho d’G7, aydarbo gıdmqadmi lu renyano d’Biden leşan dhowe methcadronutho kamılto beyn hıdode calu feroqo du vaksinano.