30/06/2020

Madoro mawdacle amathlone d’Urifi dnifqi mu athro

U rişathro d’Venezuela Nocolas Maduro mawdacle da mathlone du Huyodo d’Urifi dnıfqi mu athro d’Venezuela.

 Hathe funoyoyo lu fusqono dmıdwole u huyodo d’Urifi dmahıtwole 11 mşale du athro d’Venezuella bi lista kımto da tadbire d’Urifi.

Bi maqırhonutho dhule Maduro thımle u huyodo d’Urifi dıgımalxi lfuth i siyase d’Amerika dkıtyo bi rişonutho d’Donald Trump. Maduro mırle irişizgadutho du huyodo d’Urifi İsabel Brillhante Pedrosa bzabno 72 şoce gıdmatırko u athro d’Venezuella, ahna gıdmhadrinala tayısto laşan dnıfqo.

I sbuthathe Maduro xıd funoyo hiwole lu huyodo d’Urifi bıthır mıd mahıtwole 1 mşale du athro d’Venezuela bi lista da tadbire dımahıtle urifi calyu athro.

Bıthır mi maqırhonuthathe d’Maduro: u mşalo da esore baroye d’Urifi Josep Borell hule maqırhonutho dı krıhle b’Qaşyutho u tewfiqo di izgadutho dkıtlın b’Venezuella.

Borell bi maqırhonutheyde mırle: gıdmaydina tadbire yaqırtır mqabıl du athro, kito ha darbo du şroyo u hawoste u athro d’Venzuella dsaymo hşowo cam ruhayo. A esore dkıtne mwatye bayn lu huyodo d’Urifi u lu athro d’Venezuella mşarelın mi şato da 2017.