Malfone Skandar Demirel, Musa Ardiş u malfono Eliyo d’Bethqırmız d’drışlın i aykanoyutho du leşono Suryoyo bu yawmo tibeloyo du leşono emhoyo
Athmil dkitwe u yawmo tibeloyo du leşono emhoyo u froshızwo d’Suroyo tv bi felcutho du yawmano kforıs tahrazyotho u hzayotho aydarbo kibe mitaqwe u leşono Suryoyo. Bi tahrazto dsimowa athmıl dımqadmowele u gelyonoro d’Suroyo TV Carlos Hanna driş eba cama dayfe i ulsoyutho di yasifutho dmithawe lu leşono Suryoyo.
SÖDERTӒLJE, Swed – Bi tahrazto dsimowa athmıl b’Suroyo TV kıtwo dayfe malfono Skandar Demirel Musa Ardiş u malfono Eliyo Seven d’Bethqırmız d’drışlın i aykanoyutho du leşono Suryoyo u bıthır hulın mawdconutho aydarbo kibe mitaqwe u leşono Suryoyo emhoyo bayn du camo bi golutho u bu athro.
Bi tahraztathe dımqadmo mu hawreydan Carlos Hanna drişi a ml udu tewlifo du leşono Suryoyo aydarbo kibe mi şawşıti lfuth a mkone teknikoye dkito u dilonoyith calu darbo du nawlo u xeyr mkone.
Be bzabno a malfone dkıtwene dayfe bi tahrazto mahkelın cali ulsoyutho dmitawlıf u leşono la zcure ba ışne qamoye laşan dhowelın leşono qawyo emhoyo.
Cam gabe di tahraztathe dsimo b’Suroyo tv hın şutose u malfone dıkyısfi du leşono Suryoyo frıswolın mawdconutho cali ulsoyutho du tewlifo du leşono Suryoyo emhoyo.
Be bzabno a madraşyotho dkıtne calu nawlo ste mahkelın cali ulsoyutho du tewlifo du leşono Suryoyo emhoyo.
Bu gabo di Gozarto d’Bethnahrin d’Suriya u bu garbyo d’Ciraq ste a şutose du yulfono frıslın mawdconwotho u hulın turgome dı mahkelın bınne i yasifutho du leşono Suryoyo batre leczeyde macırboyo u madınhoyo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
