Mawrıxo i wolitho da haylawotho d’Emwotho Mhayotho b’Qefrus

U mawtbo di mşaynutho d’Emwotho Mhaydotho mawraxle i wolitho da haylawotho emwothoye dıknıfqi moro lu şlomo bi Gozarto d’Qefrus.

Megabo hreno, Amerika mşatasla nuqazto folhoyto bi fnitho d’Dedeağac bu Yawnan xıd zuhoro la rmoşe haroye dı Turkiya bu madınho du yamo Mescoyo.

U mawtbo di mşaynutho d’Emwotho Mhaydotho dkıtyo u qentrunayde b’Newyork, athmıl bu quwolo dsımle, fsıqle dmawrıx i wolitho du haylo emwothoyo dıknofıq moro lu şlomo bi gozarto d’Qefrus l’zabno d’ışto yarhe hrene, awkith i wolitho da haylawotho d’Emwotho Mhaydotho dkıtne b’Qefrus gıdtaymo 31 bu yarho d’Konun u Haroyo i şato da 2021.

Bebzabno, u mawtbo di mşaynutho bu fusqono dmıdle, naqla hreto sımle qroyto dmitaxifo i mwatyutho dkito bi fnitho du madınho du yamo Mescoyo, u tlıbleste ma tre rişone d’Qefrus i garbyayto u tayımnayto dlısaymi fulhone aw d’obın maqırhonwotho dkibın dhowın terpılto b’qamuthıd da bazare du şroyo du kriz d’Qefrus.

U mawtbo di mşaynutho tlıbleste ma tre rişone d’Qefrus dmaqwın b’surhobo afulhonaththe, bnişo dmitaqırwi ahzayothathe lafa sebwotho dkımmathli qetre rişoye baynothaye, u mşajacleste agabe kulle dımyaqri i şultonutho dhiwo la haylawotho emwothoye b’Qefrus, bnişo dnıfqo moro li mşaynutho udımbayno athume dıkfırşi atarte gozaryotho mıhdode.

Me gabo hreno bi mawdconutho dı friso Amerika mşatasla nuqazto folhoyto bi fnitho d’Dedeağac dkıtyo fnitho du Yawnan elo lfuth u qyomo d’Lozan u Yawnan lıkowe dmahıt folhe bi fnithathe. Elo ba yawmotho dı şaficina a helikopterat folhoye d’Amerika nahiti u mşataslın nuqazto folhoyto, lfuth a mbahnone u zawcano d’Amerika zuhoro la dawsat haroye d’Turkiyane.