Mawtbo Umthoyo d’Bethnahrin: “bıthır mu fusqono di PKK dılğela ruha, i Qutnutho wi dawle dı Turkiya’ste ktıcno mşalutho dımşaryo dsaymo turoso-reform rabo”

BETHNAHRIN – U Mawtbo Umthoyo d’Bethnahrin (MUB) bu buyono dfrisle calu fusqono di PKK dılğela ruha, komir da şuşote haroye dıkmicoşi, wi dawse maktabzabnoyto dmaqımla a tırpılyotho d’qamuthe du şeryono demoqratikoyo, MUB kohozelın dawsat msimono mi xasra du ağuno du camaydan. MUB mırle; Calathe, bıthır mu fusqono di PKK dılğela ruha, i Qutnutho wi dawle dı Turkiya’ste ktıcno mşalutho dımşaryo dsaymo turoso-reform rabo. Olsoyutho hayatiyo bu rişo u nomuso esonoyo, u ba takse-düzenlemet di kinutho dıgımisım dmılhoyi a şuwole dıkmicoşi ba haqle kulle, u dmıbne kenşo demoqratikoyo me hatho. İnaqla dmimodo i hiyoyutho wa zedqe şawye di barmoyutho da came kulle u da Suryoye dkıtne b’Turkiya bu nomuso esonoyo tahtu garanti, u şlomo kenşoyo’ste gıdhowe. U ağuno di cyeşe mşawtafto d’cama Turkoye, Kurdoye, Araboye, Farsoye, Armınoye, Çerkezoye u ğer came u grube etnikoye, tawdithoye u du mashab gdımdawmo.

MUB bu buyonayde komir da methhazyonwotho-perspektife dımşawşıtile u rişono mşatsono di PKK Abdullah Öcalan laşan du şeryono da şuwole dı Turkiya u du Madenho Mescoyo, u bi qroyto du şlomo u du kenşo demoqritikoyo dsimole bu siqumo d’27 Şbot 2025, ftıhle a tarce d’maşıqlo hatho. A şuşote haroye du qlimaydan, frıdlın cala hayle u cala duwal kulle u şuhlofo rabo dgıdowe. İ PKK’ste bu lumodo şnizo da 12 dhuwla funoyo li qroyto du rişonayda, u dılğela ruha u dmatımla u ağuno zaynoyo, mhaydarla arcutho lu şeryono demoqratikoyo. Liyan i siyase du lhoyo u du tenkiro dcala came cal dı sfiqo awkith dhawyo iflas, mte lmarhale dhowe mawdyonutho bi ithutho di hiyoyuthaththe.

MUB mahkele ste calu zabno di mbarbızonutho di Mamlaxtho Othmanoyto. Hano u zabnowa du nfoqo di Knuşto du Huyodo Şuşotoyo awkith İttihat Terakki, dmıdlala asas u ideoloji dıkmısnıd la ftakare mhayde di Maşılmonutho Turkoyto, u iKnuşto du Huyodo Şuşotoyo camu ideoloji ditha, zrıcla u zarco di bceldbobutho bayn da came du qlimo. MUB calathe mirle: Calathe mtabaqla i siyase du qtolğenso mqabıl da tawdiyotho, da mashabe u da hiyoywotho etnikoye frişe, u sımla a haşe-trajediye rabe dcali noşutho. İ zıhniye tuxmonoytathe du lhoyo u du tenkiro, bi mşatsonutho di Qutnutho dı Turkiya u camu nomuso esonoyo da 1924 u hol ladyoma mdawmo. A qrobe wa taxtuşe dlıktaymi me Turkiya u ma athrawotho hrene du Madenho Mescoyo, sımme talan a nubce di catirutho da came, u mahrawwe a timoyotho marduthoye wa esore kenşoyaththe. Ba hbose dcala came cal dı sxırre qume da şuşote demoqratikoye, u kruxyo du ağuno zaynoyo, wa şbilayde’ste athın lu yawmoyo.

MUB bu huthomo komır; laşan u Madenho Mescoyo dmote ltakso-düzen demoqratikoyo, l’methtaybonutho, l’tuxlono u lı thnihutho, gıdmamtena a wolyotho, a mşalonwotho siyasi u maktabzanoye dkıtlan bfusqono kamilo ldukthayye, u bkul haqlo gdımdafcina a zedqe du camaydan. Bu asasano ksındina i qroyto du Rişono du Camo Kurdoyo Öcalan, a fusqone du lumodo da 12 di PKK, a maqırhonwotho, a qedome wu tacbo da mşale di dawle udi şultonutho dı Turkiya. Camgabıdathe, b’iqoro kobina a şlomaydan bu rişo la sohde gabore dınqilın u ağuno di hirutho da camaydan la yawmani, u lkulnoşo dhawile tacbo.